Takk til Edvard Hoem for enda en god roman basert på dokumenterte opplysninger. Jeg gir også denne terningkast fem.
Omtale fra forlaget
I romanen «Felemakaren» tar Edvard Hoem utgangspunkt i eit dystert familieminne som også er omtalt i romanen «Heimlandet barndom» (1985): Ei ung tenestejente som skal ha barn med Pe, bror til Lars Olsen, som er hovudperson i romanen, blir borte ein kveld, og bygda går manngard i ei veke utan å finne henne. Pe blir mistenkt for drapet, og så frifunnen av retten, men ikkje av folkesnakket og ikkje av Lars. Brørne snakkar ikkje til kvarandre på meir enn femti år.
Lars drøymer om å bli skipper på eiga skute, men krigen og samfunnstilstanden stenger alle utvegar for han. Han blir utskriven til å vera med i slaget på Københavns Red i 1801, og sidan er han krigsfange på eit britisk fangeskip i fem år. Under dette miserable opphaldet møter han ein franskmann som lærer han å bygge fiolinar.
Dermed snur alt. Da han endeleg kjem heim igjen, slår han seg ned som felemakar i Kristiansund, der han lever eit lykkeleg liv i 25 år, med kona Gunnhild og sju døtrer.
«Felemakaren» er romanen om korleis alt blir annleis enn tenkt, om ulykke og broderstrid, men der livet likevel til slutt framstår som ei ufortent gåve.
Felemakar Lars Olsen Hoem var født i Romsdal i 1782. Han var grandonkel til Serianna, som vart gift med Knut Hansen Nesje, slåttekaren i Hoems slektskrønike.
Bokdetaljer
Forlag Oktober
Utgivelsesår 2020
Format Innbundet
ISBN13 9788249521425
EAN 9788249521425
Serie Familien fra Rekneslia (5)
Omtalt person Lars Olsen Hoem
Språk Nynorsk
Sider 350
Utgave 1
